[答案揭曉星期日]
上次果三個問題嘅答案，今日同大家講講。
頭兩題嘅答案係"Yes,and no"
冇錯，你確實可以話普教中真係低過粵教中兩分，但用統計學嘅角度而言，一兩分之差其實意義不大，甚至可以當佢係random error(斷估平均分五百幾個標準差唔會係一兩分掛)。所以，你話普教中同粵教中冇分別其實都OK。另外，你真係可以話補完習個分仲低過冇補，但你又可以話：「補得習嘅學生本身都係偏弱，而補習成功令到本來好弱嘅學生只係落後其他唔需要補習嘅尖子少少。」
某位BBA兵兵同我分享，佢嘅統計學老師同佢分享：「世界上有三種大話：普通嘅大話、仆街嘅大話、統計學。」事實上，數據係死嘅，分析係生嘅。基本上，用數據來講故仔係媒體嘅專長。而香港人嘅專長，就係睇到數據分析後大驚小怪，比佢地帶出嘅故事嚇親。
所以，我嘅建議係：睇完就算。普教中係冇用，咁你係咪轉校？補完習個分冇其他唔補嘅人咁高，咁你唔補係咪即刻拎到A呢？因此，與其搞咁多嘢人云亦云，不如好好了解吓你個仔，去為佢搵一套最適合嘅學習方法。
[課程探討星期四]
從以下圖片，其實唔難發現：
-「普教中」學校比「粵教中」學校分數略低
-冇補習嘅學生分數仲高過有補習果堆
-家長中意閱讀，細路仔嘅分數會高啲
好，問題係究竟以下數據能否反映：
1.普教中令學生考得差咗
2.補習反而令學生成績變差
3.家長又應該點做
下個post同大家揭曉，大家有興趣不妨留個言，講下你嘅意見。
#BenSir同你睇數據 #BenSir同你學教仔 #BenSir #深夜出Post #超勊
Search